راولپنڈی: پی ٹی آئی کی حکومت سے مذاکرات ختم کرنے کے پیچھے کی کہانی منظر عام پر آئی ہے۔
ذرائع کے مطابق، پی ٹی آئی کے اعلیٰ سطحی مذاکرات میں بیرسٹر گوہر خان بھی شامل تھے، جنہوں نے بانی پی ٹی آئی کو دوسری ملاقات میں بریفنگ دی۔ ذرائع نے بتایا کہ یہ ملاقات 190 ملین پاؤنڈ کیس کے فیصلے کے فوراً بعد ہوئی، اور بانی پی ٹی آئی کی جانب سے اس مذاکراتی عمل میں محتاط رویہ اپنانے کی درخواست کی گئی تھی۔
ملاقات میں بانی پی ٹی آئی نے علی امین گنڈاپور سے خیبر پختونخوا میں کرپشن پر اپنی تحفظات کا اظہار کیا اور اس معاملے پر ان کی سرزنش بھی کی۔ تاہم، عمران خان کی جانب سے علی امین گنڈاپور سے استعفیٰ مانگنے کی خبریں بے بنیاد قرار دی گئی ہیں۔
ذرائع نے مزید بتایا کہ بانی پی ٹی آئی نے علی امین گنڈاپور کو گورننس کے مسائل کو درست کرنے کی نصیحت کی۔
یاد رہے کہ پی ٹی آئی نے 9 مئی اور 26 نومبر کے واقعات کے حوالے سے کمیشن بنانے کا مطالبہ کیا تھا، جس کے بعد پی ٹی آئی نے آج ہونے والے مذاکراتی کمیٹی کے اجلاس میں شرکت نہ کرنے کا فیصلہ کیا۔